Ish-kapiteni i “Djajve të kuq”, Rooney, ka sqaruar se si atmosfera toksike brenda Manchester Unitedit ishte shpërndarë edhe përtej vetëm futbollistëve në të gjithë stafin që punonte për këtë klub.

Sapo e mori këtë punë Ole, unë kisha luajtur bashkë me Olen në United, kështu që ia dërgova një mesazh për t’ia uruar punën. Ia shpreha atij ndjenjat e mia dhe mendimet që i kisha pasi kisha biseduar me disa lojtarë dhe se çfarë mendoja se duhej të ndryshonte”.

“Pikë së pari, duhet t’i bësh djelmoshat ta shijojnë futbollin përsëri. Kjo është gjithçka që duan ata”.

Të martën , drejtori ekzekutiv i Manchester Unitedit, Ed Woodward, e ekzekutoi vendimin për shkarkimin e Mourinhos, që ishte marrë një ditë më parë nga bordi i Manchester Unitedit. Pronarët e klubit, familja Glazer, kishin vendosur t’ia paguanin Mourinhos 25 përqindëshin e pagës që nevojitej për ta shkarkuar. Shuma të cilën ia pagoi klubi Mourinhos besohet se është 26.7 milionë euro, transmeton Gazeta Express.

Vendimi i marrë nga bordi i klubit të Old Traffordit u nxit nga faktorë të ndryshëm, përfshirë këtu edhe zhgënjimin nga ndeshja kundër Liverpoolit, vendimin e Mourinhos për të mos e përdorur Pogbën në këtë ndeshje dhe deklaratat e tij negative gjatë konferencave për shtyp.

Drejtuesit e klubit gjithashtu ndienin se as lojtarët, por as stafi i klubit, nuk ishin të lumtur me Mourinhon si trajneri dhe për këtë arsye e panë të nevojshme të bëjnë një ndryshim. Tani, si trajner i përkohshëm deri në fund të sezonit është emëruar Ole Gunnar Solskjaer.

© SYRI.net

Lexo edhe: