Ish-sulmuesi i Juventusit, Fernando Llorrente, ka pohuar se goli i anuluar i Alvaro Moratës për Atletico Madridin në Ligën e Kampionëve kundër klubit të tij të vjetër ka qenë i rregullt. Ai beson se spanjolli nuk bëri faull në Giorgio Chiellinin, e cila ishte arsyeja e anulimit të golit.
Chiellini u ankua se Morata e kishte shtyrë në shpinë në zonën e portierit, para se spanjolli të shënonte me kokë në portën e Wojciech Szczensy, gjë që nuk i ka lënë mbresa Llorentes.
“Gjithcka mund të ndodhë, secila skuadër mund të fitojë”, tha tani sulmuesi i Tottenhamit për Radio Marca, i pyetur se kush do ta fitojë Ligën e Kampionëve.
“Goli i anuluar i Moratës? Ai incident ndodh shpesh në futboll dhe asnjëherë nuk është faull”, tha Llorente.
“Alvaro është sulmues mahnitës dhe u zhgënjeva shumë që golat e tij ndaj Reali dhe Juventusit u anuluan”, shtoi ai.
