Kryeministri Edi Rama, ka disa kohë që flet për rrugët që po bën qeveria e tij, që kur ai erdhi në pushtet.

Duke akuzuar për çdo rrugë që ai nuk ka bërë dot, Rama thotë se akset rrugore në vendin tonë po përmirësohen dita-ditës pas investimeve të qeverisë drejtuar nga ai.

Para tre ditësh ai ishte në Dibër, ku nga aty njoftoi nisjen e punimeve për ndërtimin e rrugës së Arbrit, një projekt ky i disa qeverive.

Por ajo çfarë po ndodh me rrugët në Shqipëri është shqetësuese, pasi nuk ka ditë që të mos ndodhë ndonjë aksident me vdekje.

Kreu i Qeverisë, në injorim të plotë të fakteve dhe të shifrave lidhur me aksidentet rrugore, del në media dhe thotë se ai po bën shumë për ndërtimet e rrugëve.

Në fakt, Rama dhe qeveria e tij nuk ka bërë asgjë për përmirësimin e infrastrukturës rrugore, edhe pse ka më shumë se 5 vite në krye të qeverisë shqiptare.

Edhe ato rrugët që po bëhen, po bëhen më shumë për të vjedhur paratë e shqiptarëve, sesa për të rritur sigurinë e tyre në rruge. /55News.al/