Prej ditës së sotme, të gjithë shqiptarët , taksën për banesën do t'a paguajnë në bazë të vlerës dhe jo të sipërfaqes. 

Vlera do të përcaktohet nga kadastra fiskale dhe jo nga çmimi me të cilën e kemi blerë banesën. 

Kadastra është programi kompjuterik që përmban vlerën e pronave në çdo zonë në të gjithë Shqipërisë.

Kështu, në bazë të zonave në të cilën ndodhet biznesi apo banesa juaj, do të përcaktohet vlera e taksës, pavarsisht nga sipërfaqja.

Ligji ka hyrë në fuqi më 1 janar të këtij viti dhe do të aplikohet prej 1 prillit.

Por, sa do paguajnë qytetarët? 

Qytetarët do të paguajnë për banesat e tyre 0.05% të vlerës së pronës (që do përcaktohen nga kadastra), ndërsa për bizneset do të jetë 0.2 të vlerës, të ardhura të cilat do të shkojnë për pushtetin vendor.

Nga 1 prilli, taksa e pronës do të mblidhet nëpërmjet faturës së energjisë elektrike. Tashmë prej disa muajsh, Operatori i Shpërndarjes së Energjisë Elektrike u ka kërkuar të gjithë qytetarëve që të bëjnë rifreskimin e të dhënave të banesave të tyre. Afati i fundit është lënë 31 janari. Në të kundërt, do të ndërpritet energjia elektrike, pavarësisht nëse paguani jo apo energjinë.