Nënstacioni elektrik në Tepelenë është stakuar si pasojë e dëmit të shkaktuar nga rrufeja e cila e ka goditur këtë objekt sot në mesditë.

Ky shkarkim i fuqishëm atmosferik ka dëmtuar zbarrat 10 kilovat të transformatorit të këtij nënstacioni e për pasojë kanë mbetur pa energji disa zona që furnizohen nga nënstacioni Tepelenë si: qyteti i Tepelenës, Bënçe, Legdush, Fermë, Beçisht, Dragot, Luath, Mezhgoran, Luzat, Uji i Ftohtë, Lekë fshat,  Hormovë.

Grupet e punës së OSHEE janë në terren dhe po punojnë për riparimin e defekteve të shkaktuara nga rrufeja dhe rikthimin sa më parë të energjisë, njofton Operatori i Shpërndarjes.