Një nga gazetaret konservatore më të njohura në SHBA, Sarah Carter ka postuar një mesazh në Twitter, duke marrë menjëherë mijëra reagime.
Gazetarja, e njohur si bashkëpunëtore për disa nga mediat më të njohura amerikane, është kontributore e rrjetit më të madh informativ në SHBA, Fox News.
‘Skandali për të cilin nuk po flet media. Kryeministri i Shqipërisë, Edi Rama pagoi 80 mijë USD për këtë foto me Obamën gjatë një takimi për mbledhje fondesh, përmes një qytetari amerikan që është në burg. Çfarë ka ndodhur me Obamën dhe Ramën? Pse nuk janë në burg ata,’ pyet gazetarja.
Ndër qindra komente, ka prej atyre që i kujtojnë gazetares reagimin e ashpër të kryeministrit shqiptar se çfarë tmerri e priste botën nëse Donald Trump do zgjidhej president.
Por në fakt, reagimi në Twitter i gazetares vjen fiks një muaji pasi ajo publikoi një shkrim për çështjen.
Edhe shkrimi i datës 10 tetor ngre pyetjen: Përse nuk po flet media për këtë skandal?
