Historiani Neritan Ceka është i njohur për mallkimet që bën nëpër studiot televizive dhe nuk ka ndërmend të heqë dorë.

Pikërisht këtë gjë ka bërë, ndërsa ishte i ftuar në studion e “360 gradë” në RTV Ora ku po diskutohej rreth marrëdhënies së kryeministrit Edi Rama dhe homologut të tij kosovar, Albin Kurti.

Ceka tha që ju thaftë dora atyre që sollën gazin lotsjellës në Shqipëri.

Ndërsa shtoi se shtypja e vëllezërve vetëm se shprehen politikisht është tradhti kombëtare.

“Ata që mendojnë të shtypin vëllezërit e tyre se shprehen politikisht, kjo është, ta them tradhti kombëtare por besoj është brenda këtij kuadri.

Mund tu them që t’i thahet dora atyre? E thashë. U thaftë dora atyre që sollën gazin lotsjellës,”- mallkoi historiani.

Sipas gazetës kosovare Insajderi, kryeministri Edi Rama e mori gazin lotsjellës të përdorur ndaj opozitës gjatë protestave nga Policia e Kosovës.

Kjo u bë nëpërmjet një marrëveshje të dyshimtë të nënshkruar mes Rashit Qalajt, drejtorit të Policisë së Kosovës dhe Ardi Veliut, drejtorit të Policisë së Shqipërisë.