Në një intervistë për Zërin e Amerikës, ministri i Jashtëm Ditmir Bushati ka zbuluar se dy shtetet me influencën më të madhe në Union si Gjermania dhe Franca nuk janë dakord me rekomandimin e Konisionit Europian për  çeljen e Negociatave.

Ai theksoi se koha e mbetur në dispozicion do të shërbejë për të marrë edhe mbështetjen e dy shteteve për hapjen e negociatave.

“Jemi në një komunikim të vazhdueshëm me të gjitha vendet anëtare të BE. Besoj se vizita e Ramës në Gjermani, e takimet që ai do të zhvillojë, duke filluar nga kancelarja Merkel, do të jetë një shtysë në këtë drejtim. Do të krijojmë kontakte për progresin e reformës në drejtësi edhe me Francën që kërkon më tepër informacion dhe kërkon që ta shfrytëzojë kohën e mbetur para se të marrë një vendim”, u shpreh Bushati.

Gjermania dhe Franca hjanë dy vendet skeptike për arritjet e qeverisë Rama. Azili dhe droga janë kapitujt kryesorë që këto dy shtete i konsideorojnë problematike për një vend që kërkon të aderojë në Union.