Ish-kryeministri Sali Berisha ka qenë i ftuar në News 24, ku ka treguar skenarin e gënjeshtrës së Edi Ramës për Tahirin, në Berlin.

“Gënjeshtra më e dëmshme e Ramës në Berlin ishte pyetja për Saimir Tahirin. U pyet si ka mundësi që Prokuroria kërkon arrestimin dhe ju e bllokoni prokurorinë me imunitetin? Cila ishte përgjigja e Ramës për gjermanët? Mashtrimi më i madh që mund të bëhej: Saimir Tahiri nuk ka asnjë imunitet.” –tha ish-kryeministri.

Sipas Berishës,  Rama është skllav i Sajmir Tahirit, pasi  ka një sërë çështjesh me të cilat Tahiri po e mban peng arrestimin e tij:  dosjen e Xibrakës, politikën e kanabizimit,  fshehjen e Mark Frrokut, lirimin e Bardhok Pllanës, etj.

Berisha bën përgjegjësin kryesor Ramën për të gjitha këto.

“Tahiri ka përgjegjësi të mëdha, por as një të dhjetën e tyre nuk do mund të realizonte pa mbështetjen e kryeministrit”-ka thënë ai.

Madje Berisha i referohet edhe referentit të Bundestagut për Shqipërinë, që ka akuzuar Ramën se ka bllokuar arrestimin e Tahirit dhe ka sulmuar prokurorët.