Kryetari i Partisë Demokratike, Lulzim Basha, ka dalë sot në krah të disa prej protestuesve të liruar dy ditë më pare dhe në një deklaratë për mediat u shpreh se këta persona janë trajtuar në mënyrë shtazarke dhe që mbijetuan me shumë vështirësi.

Kreu i opozitës e akuzoi ish-kryeministrin për terrorin ndaj protestuesve. Basha i bëri thirrje gjithë qytetarëve të vazhdojnë kryengritjen deri në dhënien fund të pushtetit aktual.

“Sapo kam pritur burrat, prindërit, baballarët nga Kukësi të cilët pasi u trajtuan në mënyrë shtazarake janë liruar me kusht. Janë njerëzit që mbijetojnë me mund dhe vështirësi, dhe përballen me varfëri ekstreme, të cilëvë u është vënë trau te dera. U ngritën për mbijetesën e tyre dhe të fëmijëve. Edi Rama i do në burg dhe U ka ngrItur një proces për të terrorizuar qytetarët e Kukësit. Jam krenar që jam sot krah tyre. Edi rama është një frikacak i mbyllur në bunkerin e tij, dhe nuk kupton brengën e njerëzve të thjeshtë. Por futja në bunker është dhe fundi i autokatëve të korruptuar. Ju bëj thirrje të vazhdojmë kryengritjen e qytetarëve, aktin që ndërmorën qytetarët e Kukësit, deri në fund , të këtij shteti grabitqar.”- tha ndër të tjera Kryetari i Partisë Demokratike, Lulzim Basha.