Lojtarët e mirë janë synim për çdo trajner gjatë merkatos. Pep Guardiola dihet se është një nga ata trajnerë që i admiron mesfushorët dhe stilin e tij të lojës dhe të ekipeve të tij e bazon pikërisht te mesfusha.

Kjo është arsyeja pse Don Balon në Spanjë shkruan se tekniku i Manchester City-t është gati të japë deri në 200 milionë euro për Sergio Busquests të Barcelonës.

E 'çmendur' mund të quhet shifra që u ofruar për një lojtar që tashmë i ka kaluar të 30-at. Por spanjolli do e ketë të vështirë të largohet nga Katalonja pasi aty ka kaluar gjithë karrierën e tij dhe është një idhull i tifozerisë, por tashmë pas një periudhe ku ka fituar gjithçka me blaugranat, spanjolli mund të mendojë për një aventurë të re në karrierën e tij.