Ndeshja hapëse e kampionatit më të madh të futbollit në botë pritej të ishte e balancuar dhe jo me një diferencë të madhe midis skuadrave. Por sfida takimi i zhvilluar midis Rusisë dhe Arabisë Saudite ka treguar superioritetin e vendasve që fituan thellë 5-0.

Ishte minuta e 12-ë ajo ku barazimi me shifra të bardha u thye, moment ku sfida u zhbllokua nga Gazinskiy që shënoi golin e parë të këtij kampionati botëror.

Pak para fundit të pjesës së parë do të vinte dyfishimi i rezultatit me protagonist Cheryshev. Në pjesën e dytë ishte po e njëjta ‘muzikë’, me Dzyuba, sërish Cheryshev dhe në fund Golovin që vulosën rezultatin përfundimtar të takimit.

Rusi 5-0 Arabia Saudite

Golat minutë pas minute

90+4′ Golovin realizon gol spektakolar me goditje dënimi, 5-0 për Rusinë

90+1′ Vjen goli i katërt për Rusinë dhe i dyti për futbollistin Cheryshev

71’ Vjen edhe goli i tretë i vendasve. Këtë herë shënues ishte Dzyuba

43′ 43’ Pas një aksioni model të Rusisë ka ardhur edhe goli i dytë me protagonist Denis Cheryshev

12′ Yuri Gazinski është golashënuesi i parë i këtij Kampionati Botëror të zhvilluar në Rusi 2018.