Sipas një raporti të Policisë Greke, për muajin Mars janë dëbuar 1181 qytetarë të huaj nga shteti grek.

Ata janë kthyer në vendet e tyre të origjinës për shkak të qëndrimit të paligjshëm dhe dokumenteve të parregullta.

Pjesa më e madhe e të kthyerve janë qytetarë shqiptarë. Bëhet fjalë për 668 shqiptarë të dëbuar nga Greqia për muajin Mars, ndërsa qytetarët e tjerë i përkasin shteteve nga Pakistani, Iraku, Gjeorgjia, Algjeria, Turqia, Bullgaria, Irani dhe Afganistani.

Sipas shifrave zyrtarek, për vitin 2017 nga Greqia janë dëbuar 20.255 shtetas të huaj, të cilët janë kthyer në vendet e tyre të origjinës.