Tedi Blushi, zëdhënës i Presidentit të Republikës, Ilir Meta, ka reaguar ndaj sulmeve që Partia Socialiste dhe zyrtarë të qeverisë kanë bërë këto ditë në adresë të Presidentit, duke ju referuar rezolutës së Parlamentit.
“Ilir Meta është zgjedhur President nga një Parlament plotësisht legjitim, jo nga ky i sotmi. Nga momenti që ai është betuar me dorën mbi Kushtetutë i përket vetëm Republikës. Mocioni i “çunave të Shijakut” që kërkon të instalojë “Narko-Republikën” e bandave dhe oligarkëve do të marrë përgjigjen e merituar nga qytetarët e Republikës së Shqipërisë. Shqipëria e para! Shqipëria si gjithë Europa!”,- shkruan në një reagim në Facebook zëdhënësi i institucionit të Presidentit të Republikës.
