Një person që rregulloi dhënien një kontributi të paligjshëm nga një i huaj në një takim për mbledhje fondesh për Presidentin Barack Obama më 2012 u dënua me katër muaj burg të hënën.
William Argeros pranoi fajin më 2016 për dhënie kontributesh të huaja dhe për gënjim të jurisë së gjyqit. Ai rrezikonte deri në 24 muaj burg, por gjyqtarja Madeline Cox Arleo vuri në dukje mungesën e precedentëve penalë të 61-vjeçarit si dhe besimin e saj se kontributi prej 80 mijë dollarësh nuk ishte me qëllim influencimin e zgjedhjeve presidenciale në SHBA.
Kandidati ishte Edi Rama, tha Azzarello, i cili u zgjodh dhe është edhe tani kryeministër i Shqipërisë. Kur akuzat u bënë publike më 2016, zyra e Ramës e mohoi se ishte burimi i kontributit.
Zyra e Prokurorit të SHBA deklaroi se Argeros e kishte rregulluar që kontributi të jepej përmes një rezidenti në Neë Jersey, Bilal Shehu. Shehu u dënua me kusht më 2017.
Cox Arleo tha se i dha Argerosit dënim më të rëndë për shkak se pranoi që kishte gënjyer jurinë.
Argeros banonte në Tampa, Florida, në kohën që u ngrit padia. Ai ka kaluar shumë vite edhe Bethlehem, Pennsylvania, zonë ku puna e tij përfshinte shërbimin në bordin e këshilltarëve të një burgu për të ndihmuar të burgosurit të ri-integroheshin në shoqëri, tha Azzarello të hënën. Disa nga kolegët e tij i shkruan gjyqtares në mbështetje të tij.
Me lot në sy Argeros i tha gjyqtares se i vinte turp dhe merrte përsipër përgjegjësinë e plotë për çka kishte bërë.
Cox Arleo e dënoi edhe me katër muaj burg shtëpiak dhe shërbim në dobi të komunitetit.
Saracarter.com-Përgatiti: SYRI.net
