Me vendimin e sotëm të gjykatës, e cila liroi ish-deputetin e PD-së Klevis Balliu dhe 10 protestuesit e arrestuar dhunshëm dhe në mënyrë kriminale nga policia e urdhëruar nga vetë Edi Rama, nuk ishte thjesht një vendim që vendos drejtësi.

Me këtë vendim Edi Rama dhe Sandër Lleshaj morën një mesazh të qartë. Ata ngelën me gisht në  gojë dhe u dështoi plani diabolik për të nënshtruar protestën më madhështore që ka parë ndonjëherë Shqipëria, për nga këmbëngulja dhe misioni heroik.

Me këtë vendim të gjykatës Rama-Lleshaj kuptuan se nuk do të mund të nënshtrojnë askënd, qoftë edhe me presione dhe kapje të institucioneve të drejtësisë.

Hakmarrja e sëmurë e tyre ka vetëm një përfundim: dështim spektakolar.

Ish-deputeti Klevis Balliu dhe banorët e Unazës së Re i kanë bërë një dëm shumë të madh Ramës, i ka prishur megaaferën korruptive. Ndaj edhe ai po bën çmos që të terrorizojë me dhunë të paprecedentë.

Saga e persekutimit mund të vazhdojë por ajo ka vetëm një fund, fundosja përfundimtare e narkoqeverisë me Rama-Lleshaj në krye.

Sado përpiqet Edi Rama të nënshtrojë banorët e Unazës së Re do ta ketë të pamundur pasi misioni i tyre është i shenjtë. 55news.al