Menjëherë pas denoncimit të deputetes së PD-së Albana Vokshi Ministria e Arsimit ka tërhequr kërkesën për të dhënat personale e familjarëve të nxënësve të shkollave.

“Të gjitha akuzat ndaj këtij procesi janë të ulëta” – thuhet ndër të tjera në reagimin e Ministrisë së Arsimit.

Në denoncimin e bërë nga  Partia Demokratike theksohej se këto të dhëna do përdoreshin për t’u bërë presion prindërve të nxënësve në zgjedhje.

Ditën e sotme Partia Demokratike denoncoi urdhrin e ministers Nikolla për mbledhjen e të dhënave personale të nxënësve në shkollat e vendit.

Sipas PD-së, këto të dhëna do përdoren në zgjedhjet e ardhshme për t’u bërë presion prindërëve të nxënësve.

Në një dalje për mediat, Vokshi  ka deklaruar se urdhri i Nikollës është anti-kushtetues dhe u kërkoi qytetarëve që të mos i japin të dhënat e tyre personale.