Mjekët janë sot në pararojë të luftës kundër koronavirusit dhe për këtë shkak kryeministri Edi Rama 4 ditë më parë vendosi në mbledhjen e qeverisë që t'u japë nga një mijë euro plus rrogë në muaj gjatë periudhës që virusi është prezent.
Ndërkohë sanitarët dhe shoferët e autoambulancave do të kenë 500 euro plus gjatë COVID-19.
Por Sindikata i ka dërguar një letër kryeministrit duke i kërkuar që të vlerësojë infermierët edhe me një pagë shpërblim dhe kjo t'u kalojë në llogaritë personale në momentin më të afërt të mundshëm.
Letra e plotë
Sindikata e lnfermiereve te Shqiperise
Kerkese e hapur
Kryeministrit te Shqiperise, z. Edi Rama.
"Pershendetje! Ju falenderojme per masat e marra dhe per vleresimin e bere per punonjesit e shendetesise, te cilet jane heronjte e vertete te kesaj lufte. Ju vleresuat pararojen e kesaj lufte, por te gjithe jane heronj te vertete sot per sakrificat qe bejne ne realizim te misionit te tyre. Neqoftese kishim nje Nene Terza e Kalkutes, sot te gjithe keta jane Nene Terezat e Shqiperise.
Ne kerkojme qe per nje motivim me te madh, por edhe per plotesim te nevojave te tyre ne keto dite t'u jepet nje page shperblim dhe kjo t'u kaloje ne llogarite personale ne momentin me te afert te mundshem. Kjo do te ndikoje sadopak ne perkushtimin e tyre ne balle te kesaj lufte.
