Në mbrëmjen e të mërkurës në Mulhouse të Francës u ekzekutua nje shqiptar nga Gjakova. Ai është qëlluar me pushkë nga një fqinj i tij.

Ngjarja ka ndodhur rreth orës 17:45 në një ndërtesë të vogël banimi në rrugën “Rue des Juifs”, në lagjen Dornach.

Burime nga albinfo.ch, bëjnë të ditur se i vrari është S. N. nga Gjakova, i cili ka gjetur ne France prej 19 vjetesh, ndërkohë qe autori i krimit është një algjerian, i cili ndodhet ende në arrati, derisa për policinë franceze është i njohur.

Shqiptari nga Kosova kishte dy djem të moshës 6 dhe 4-vjeçare, si dhe një vajzë 2-vjeçare. Ai ishte larguar gjatë luftës nga Kosova dhe punonte në ujësjellës Fqinjët dhe familjarët për albinfo.ch tregojnë se ai ishte një patriot i madh. Algjeriani e ka qëlluar në gjoks, dhe shqiptari nuk ka arritur t’iu shpëtojë plagëve.

Autori e kishte qëlluar me tre plumba në sy të familjes, gruas dhe fëmijëve. Menjëherë pas ngjarjes është lajmëruar ambulanca të cilin e ka dërguar në spital.

Mjekët, në Mulhouse, i kanë hequr dy plumba nga trupi, ndërsa plumbi i tretë i kishte prekur zemrën gjë që ka bërë që të mos i mbijetojë plagëve të marra.

Autoritet franceze, kanë bastisur shtëpinë e dorasit, duke gjetur armë, pasaporta të ndryshme.

Gjithashtu sipas një të afërmi të tij, ai ishte ankuar disa herë në polici për fqinjin e tij, por asnjëherë kërkesa e tij nuk ishte marrë seriozisht.